Ästheetesch Zännmedezin
D’ästheetesch Zännmedezin ëmfaasst verschidden Techniken, fir d’Ausgesi vun Ärem Mond ze verbesseren an Iech e schéint Laachen ze ginn.
Déi bekanntst Technik ass sécherlech d’Bleechen oder Ophelle vun den Zänn.
Dobäi gëtt e Produit op Basis vu Waasserstoffperoxid op d’Zänn opgedroen. Dëse penetréiert den Email a hellt d’Faarfpigmenter doran op, wouduerch sech d’Zännfaarf verännert. Et ënnerscheet een zwou Methoden:
- déi direkt Technik am Behandlungsstull : E konzentréierte Gel gëtt op d’Zänn opgedroen an a verschiddene Sessioune vun 20 Minutte mat Liicht aktivéiert.
- déi ambulant Technik mat Schinnen : Si erlaabt Iech, Är Zänn doheem ënner der Opsiicht vum Zänndokter ze bleechen, andeems Dir e Bleechegel a speziell fir Iech ugepasste Schinnen opdrot.
D’Verblendschuelen (Veneers) si moossgemaachten, dënn Schuelen aus Porzeläin oder Komposit, déi mat engem spezielle Zement op d’Zänn gepecht ginn. Si verbesseren d’Ausgesi vun ofgespléckten Zänn, onreegelméissege Formen oder Verfierwungen, déi sech net duerch Bleeche behandele loossen.
Heiansdo sinn aner Behandlungen, wéi Parodontologie, Kieferorthopedie oder festen Zännersaz, néideg, fir e schéint Laachen nees hierzestellen.